Ministri i Punëve të Brendshme të Kosovës, Xhelal Sveçla ka njoftuar për një marrëveshje të rëndësishme që Kosova ka nënshkruar sot me EUROPOL-in.

“Sot, finalizuam nënshkrimin e marrëveshjeve me EUROPOL, me Drejtoreshën Ekzekutive Znj. Catherine De Bolle, përmes së cilave Kosovës i mundësohet caktimi i Zyrtarit Ndërlidhës formal në EUROPOL dhe krijohet linjë e sigurt e komunikimit dhe shkëmbimit të informacionit me EUROPOL-in”.

Sipas Ministrit të Punëve të Brendshme, më këtë marrëveshje mundësohet shkëmbimi i sigurt i informacioneve në luftimin e krimit dhe korrupsionit ndërkombëtarë.

“Këto marrëveshje, do të mundësojnë bashkëpunim dhe shkëmbim të drejtpërdrejtë e të sigurt të informacioneve, ndërmjet Republikës së Kosovës, EUROPOL-it dhe Shteteve Anëtare të Unionit Evropian”.

Sveçla thotë më tej se marrëveshjet e nënshkruara janë dëshmi e avancimit të mëtutjeshëm të bashkëpunimit në mes të Policisë së Kosovës dhe EUROPOL-it.

“Angazhimi ynë i përbashkët në shtimin e marrëveshjeve bilaterale dhe multilaterale për bashkëpunim policor ndërkombëtar, do të vazhdoj me dinamikë të lartë”, deklaroi tutje Sveçla./arbresh.info/

Postimi i plotë